VOV4.M’nông - Tĭng nău mbơh bah N’gâng kan tâm rnglăp nchră nău Mỹ, Mỹ n’hanh Nga mbra ƀư rwăch tâm nchră trong kan rơh săch tal 2 gay mkra ăp nău êng êng bah nău ndrăk nsiu hạt nhân an tât ntŭk ntô mạng. Rwăch tâm nchră Mỹ-Nga rơh tal 2 geh tâm nar poăn tât ta Geneva, Thụy Sỹ dơi lĕ 2 ding ŭch mbra tâm nchră rlăp lơn n’hanh sŏng rah wah gay joi trong ndâk njêng nkô̆ nău an ăp trong uănh nđôi ndrăk nsiu n’hanh n’hŭch nău mâp tâm rgŏ năp. Bah năp nĕ, rơh mâp gưl prêh bôk năp đah Tổng thống Mỹ Joe Biden n’hanh nuĭh tâm ban gưl kan Nga Vladimir Putin, 2 ding lĕ ƀư rwăch tâm nchră rơh bôk năp rnôk khay 7 mhe rlău. Bôl dơi geh đêt nău rgâl yơn ăp nuĭh kruanh Mỹ hôm e nkoch nău ŭch đah ăp nkô̆ nău tâm nchră bôk năp đah mpŏng rgâl mhe an du rơh tâm nchră nâp nâl n’hanh săk rnglăy mpeh uănh nđôi ndrăk nsiu n’hanh ăp nău khlay êng.

          Nuĭh rblang: Y Sưng Phê Ja