VOV4.Mnông- Ndơn kan khlăy bâh Mỹ mpeh Áp-gha-ni-xtan Thomas West lĕ leo bôk năp du mpôl kan gâl têh bar n’gâng kan  Mỹ tât mâp ndơn kan bâh Taliban ta thủ đô Doha bâh Qatar. Nkô̆ nău tâm nchră geh ăp ntrong kan tâm rdâng đah rơh uh ah tâm kơl kon nuĭh ta Afghanistan. Mpôl kan Mỹ lah na nê̆ nău khlăy bâh nău Taliban ƀư tĭng ăp nău tâm ton kloh rjăp bâh nơm nĕ lah mô an ăp nuĭh ntêt nkri du ngih dak êng bâh nkual neh Afghanistan, mât đăp mpăn rnă njrăng an ƀon lan Mỹ n’hanh nuĭh ƀon lan Afghanistan  ŭch luh du Afghanistan, mât đăp mpăn ăp nău dơi bâh nuĭh ƀon lan Afghanistan geh nđâp bu ur, oh kon se bu ur n’hanh mpôl rnoi đê̆, tâm ban kơt mbơk đăp mpăn an nuĭh geh nhŭp kân Mark Frerichs. Bar ding tâm nchră ăp ntrong kan tâm rdâng bâh âk dak lam ntur neh đah nău uh ah nău tâm kơl kon nuĭh aƀaơ ta Afghanistan.

Nuĭh rblang: Thị Đoắt