VOV4.M’nông: Tâm rơh rƀŭn mbơh ndal bah Liên hợp quốc mpeh nau kan Trung đông, lŏ râng saơ nau duh jêr đah Mỹ ndrel Pháp, 2 dak uỷ viên Rnâng kan Hội đồng Bảo an Liên hợp quốc geh tât nau tâm rkeh Israel- Palestin. Tâm rnôk Mỹ nsôih mô nchră nau ton lah nsum nduih lah ngăn nau tâm lơh ta Trung Đông ndrel knŭng tâm ban nuih đah ăp nau kuăl jă n’huch nau duh jêr ndal, ri Pháp ân lah nau aơ ê tŏng. Aơ lah nau tâm rdâng bôk mpeh nau kan bôk năp đah 2 dak kan nsum kơp ntơm rnôk Tổng thống Mỹ Joe Biden mât nau kan tâm bôk năm aơ, đah nau ton leo Mỹ plŏ tay tâm nchră âk ding. Jêh 3 rơh tâm nchră tâm 1 pơh bah Hội đồng bảo an LHQ ma mô geh nau ton lah nsum, Pháp, đah nau kơl an bah Ai cập, Jordan ndrel Tuy-ni-zi tâm bôk pơh hŏ mbơh nau đă tâm nchră mhe gay kuăl jă nsrŭng ăp nau kan tâm rkeh ndrel pơk trong ân nau kan kơl an./.

Nŭih rblang: H’Thi