VOV4.M’nông – Đah nău ŭch “pơk hvi kan ndrel đah ăp dak n’hanh nuĭh kan ndrel ta nkual Đông Nam Á, pơh bah năp, mpôl ntoh măt ngih pah kan Mỹ yor Cố vấn N’gâng kan tâm rnglăp nchră nău Mỹ Derek Chollet leo trong lĕ geh rơh khâl dak Thái Lan, Singapore n’hanh Indonesia. Mpôl ntoh măt dak Mỹ lĕ mâp ăp Kruanh n’gâng kan tâm rnglăp nchră nău bah ăp dak gay pah kan mpeh ăp nău kan ndrel, geh n’ăp njrăng n’gang srê n’hanh rdâk hao wăng sa, Njrăng n’gang nău rgâl trôk nar n’hanh ăp nău ndrel uănh. Ntoh ngơi ta rƀŭn mbơh jêh ntŭk rlu jâng n’glêh dŭt ta Indonesia dŭt pơh bah năp, Cố vấn Kruanh n’gâng tâm nchră nău Mỹ Derek Chollet an gĭt, ASEAN lah ntŭk ƀư bah nkual Ấn Độ Dương-Thái Bình Dương n’hanh rgop nău ƀư tơm khlay đah nău đăp mpăn, dơi geh wăng sa kơt trong uănh bah Mỹ mpeh du nău đăp mpăn lam ntŭr neh nsing tâm luật lệ. Dak aơ ton mbra “n’hao ƀư tơm ta nklang bah ASEAN n’hanh tâm boh kan ndrel đah ASEAN n’hanh ăp dak kan ndrel”.

Nŭih rblang: Y Sưng Phê Ja