VOV4.M'nông: Nkhêp geh hăn khâl pe dak Đông Nam Á jong bơi du pơh, ta ntŭk rlu jâng lor bôk năp ta thủ đô Jakarta Indonesia, Ngoại trưởng Mỹ Antony Blinken mhe geh nău lah mpeh trong tât bah Mỹ đah nkual Ấn Độ Dương - Thái Bình Dương. Wa Blinken tor kloh prăm n'gâng tơm tâm trong tât bah Mỹ đah nkual Ấn Độ Dương - Thái Bình Dương. Bôk năp, Mỹ mbra ntrŭt ntrôl du Ấn Độ Dương - Thái Bình Dương dah rŏng n'hanh pơk hvi, tâm nê geh ăp nkô̆ nău mbra dơi nkra du trong kloh rvah, ăp nău way kan mbra dơi mbơh kloh n'hanh dơi dŏng du trong geh nău tâm ban; Tâl bar, Mỹ mbra njêng luh  ăp trong buăt nthoi dăng tâm n'hanh bah dih nkual ma trong ƀư jru hvi lơn tâm boh đah ăp dak băl tâm ton lah Australia, Nhật Bản, Hàn Quốc, Philippines n'hanh Thái Lan; Tâl pe, ntrŭt ntrôl nău têh ndrŏng tâm nkual; Tâl puăn, Mỹ mbra kơl rdâk njêng nkual Ấn Độ Dương - Thái Bình Dương geh nău dơi dâk hao tay dăng lơn lôch bah nuh srê Covid-19.

Nuĭh rblang: Điểu Thân