VOV4.M'nông: Nar ntri (tĭng mông ta ntŭk) nuĭh tă ơm gĭt kan nsŏng kơl rnă njrăng neh dak Mỹ Jake Sullivan geh rơh mâp đah Chủ nhiệm Văn phòng Ủy ban Pah kan tâm boh dak bah dih Trung ương Trung Quốc Dương Khiết Trì ta Thụy Sĩ. Rơh tâm mâp ƀư tâm rnôk tâm ndăng tâm boh Mỹ- Trung Quốc duh jêr hô, bar ding mô tâm ban nău ntoh bah trong tâm rlong trong kan têh jong. Aơ mbra lah lor bôk năp wa Sullivan geh rơh mâp na nê̆ đah wa Dương Khiết Trì kơp ntơm bah tâm dâl nău gưl têh Mỹ- Trung Quốc "rgŭt n'gĭng” ta A-la-xca (Mỹ) rnôk khay 3 mhe aơ nơh tĭng trong ƀư 2+2. Nău mbơh bah ngih klo an gĭt, rơh mâp dja dơi ntơm nsing tâm nău tâm ban ŭch ta rơh tâm nchră nar 9/9 đah Tổng thống Joe Biden n'hanh Kruanh Tập Cận Bình, tâm nê bar ding ton joi tay ăp trong nkra gay mât uănh geh nău dơn kan tâm rlăch ndăng đah Mỹ n'hanh Trung Quốc./.

Nuĭh rblang: Điểu Thân