VOV4.Mnông- Kruanh n’gâng kan nchră nău đah dak bah dih Mỹ mbra mô tât râng ăp rơh tâm nchră mpeh nău bâh Afghanistan yor Nga leo, geh ƀư ta nar aơ 20/10 ta Moscow dak Nga. Ntoh ngơi tâm du rơh rƀŭn mbơh, nuĭh ntoh nău ngơi kruanh n’gâng kan nchră nău đah dak bah dih Mỹ, wa Ned Price an gĭt, Mỹ kơl an ntrong kan tâm nchră mpeh Afghanistan. Yơn lah, yor ăp nău jêr mpeh tơm prăk, Mỹ ê hŏ dơi geh tât râng ta ăp rơh tâm nchră aơ, yơn tâm let năp tay, Mỹ mbra tât râng. Rơh tâm nchră geh ƀư tĭng “Nău uănh năl Moscow”, ơm geh mbơh bôk năp ta năm 2017. Aơ mbra lah nău mbơh ôp 6 ding đah ăp ndơn kan bâh Nga, Afghanistan, Trung Quốc, Pakistan, Iran n’hanh Ấn Độ.

Nuĭh rblang: Thị Đoắt