VOV4.M’nông: Ntŭk nkoch mbơh nau Ngih dak Myanmar ndŏ nau, nŭih mât nau rđau kan tahen dak aơ dôl kuăl jă nau kơl an bah nsum mpôl lam ntur neh gay rdâng đah nau ntoh srê Covid-19 hô ngăn kơp ntơm sa ơm. RĐau kan Myanmar Mi-a-ung H-leng hŏ kuăl ja ưpơk hvi nau tâm boh đah ăp dak ASEAN ndrel ăp dak êng gay njrăng, rdâng ndrel săm srê Covid-19, nke đă ntrŭt dăng nau kan chuh n’gang vắc xin. Ăp nau kuăl jă aơ geh ndŏ tâm rnôk LHQ mhe aơ nkah Myanmar lah dak geh âk nŭih ntưp srê Covid-19. Ăp nŭih ntưp srê ta Covid-19 mhe ta Myanmar hao âk kơp ntơm 6 khay ma aơ, đah 4.980 nŭih ntưp ndrel 365 nŭih khĭt tâm lơ 28/7 tĭng nau mbơh bah n’gâng kan dak si aơ. Nau kan mô tŏng oxy, dak si ndrel ndơ dŏng tâm ngih dak si dôl geh tâm lam dak./.

Nŭih rblang: H’Thi