VOV4.M'nông: Chính phủ tahen mât bôk n'gâng kan ta Myanmar hŏ ton mbra tâm boh dŭt âk đah trong nchrăp bah tâm lơh tâm su dơi ASEAN uănh an dŏng tâm rnôk Hiệp hội ăp dak Đông Nam Á dôl mpet jâk nô nău chính trị ta dak dja. Tâm du nău mbơh dơi pơk ta ndơ nkoch trêng nău lư ngih dak, n'gâng kan tahen Myanmar an gĭt, khân păng uănh khlay nău way kan nsum rêh đăp mpăn đah ăp dak êng ƀa ƀă n'hanh mbra tâm boh đah ASEAN tĭng trong nchrăp tâm ban ŭch 5 điểm hŏ dơi tâm ban ŭch rnôk khay 4 mhe aơ. Bah năp nê, tâm du rơh hop mha êng, ăp ngoại trưởng ASEAN hŏ tâm ban ŭch mô jă nuĭh mât bôk n'gâng kan tahen Myanmar lah tướng Min- A-ung-liang (Min Aung Hliang) râng tâm nchră gưl têh ASEAN 38 n'hanh 39. Tahen Myanmar lah rjăp đŏng n'gâng kan aƀaơ ta Myanmar lah tâm di./.  

 Nuĭh rblang: Điểu Thân