VOV4.M’nông: Nar aơ (20/7), ntơm pơk rơh hop bôk năp – Quốc hội khoá XV. Bah năp nê, ta Jay Quốc hội hŏ ƀư rơh hop đah Đảng đoàn Quốc hội đah Ban cán sự Đảng Chính phủ. Uănh năl mpeh pah kan nchrăp nkô̆ rơh hop bôk năp, Kruanh Quốc hội Vương Đình Huệ an lah, ăp nhih pah kan bah Quốc hội, Ủy ban Thường vụ Quốc hội n'hanh Chính phủ, ăp n'gâng kan, ăp  nhih pah kan tư pháp hŏ kan nsum lhăt, bôk năp hŏ tâm ban ŭch âk đah ăp nkô̆ hao mbơh rblang Quốc hội. Tâm rơh nuh srê Covid-19 tât krit nji, Đảng đoàn Quốc hội hŏ pah kan đah ăp nhih pah kan geh tât, mbơh Bộ Chính trị n'hanh mbra rgum hop ta jrô Diên Hồng đah nuih n'hâm mpêt mông nar n'hanh geh nău dơi tam dŭt âk, Bôk nău kan rơh hop mbra rhuăt glêh, nchrăp n'glôch jêh tâm nar 31/7, pah kan lĕ ma nar rlu. Mpeh trong mât đăp mpăn an rơh hop, Kruanh Quốc hội Vương Đình Huệ lah rjăp, Văn phòng Chính phủ, Bộ Y tế hŏ lăp kan dŭt ơm gay nchrăp an rơh hop bôk năp, Quốc hội khóa XV. Kalơ nuih n'hâm đăp mpăn lĕ rngôch, an tât rnôk dja lĕ rngôch ăp Đại biểu Quốc hội nuĭh rhŏ dŏng bah Văn phòng Quốc hội hŏ chuh n'gang, uănh năl mham./.

Nuĭh rblang: Điểu Thân