VOV4.M’nông: Nthoi tay rơh hop bôk năp, Quốc hội khoá 15, bôk mông ôi aơ, Kruanh Quốc hội Vương Đình Huệ geh nău lah ta năp Quốc hội nkhêp geh Nar tahen ơm khĭt- rmanh (27/7). Tâm ôi aơ, Quốc hội tâm nchră ta hội trường mpeh trong nchrăp ntuh kơl ăp bôk nău kan gưl neh dak tât n'hŭch ach o nâp dăng n'hanh rdâk njêng ƀon lan mhe lvang năm 2021- 2025. Dŭt njrăng, nkô̆ kêng măng aơ, ăp đại biểu Quốc hội tâm nchră ta hội trường mpeh trong nchrăp prăk kaih; trong nchrăp manh, trok rnon ngih dak n'hanh trong nchrăp ntuh kơl ngih dak jong dah găp lvang năm 2021-2025. Ntơm bah 5h kêng măng aơ đŏng, Quốc hội hop bah dih mông, n'hơr ti ŭch an dŏng Nghị quyết mpeh trong nchrăp hun hao wăng sa- rêh jêng kon nuĭh 5 năm 2021-2025. N'hơr ti uănh an dŏng Nghị quyết mpeh Bôk nău kan rdâk njêng luật, pháp lệnh năm 2022, rgâl di Bôk nău kan rdâk njêng luật, pháp lệnh năm 2021 n'hanh N'hơr ti uănh an dŏng ăp nghị quyết mpeh nău njêng Mpôl hăn groi nđôi way nkô̆ Quốc hội năm 2022.

Nuĭh rblang: Điểu Thân