VOV4.M’nông – Trong kan nuĭh kan lah nkô̆ nău khlay bah 2 nar pah kan n’gleh dŭt jêh rnôk Quốc hội rhoăt đêt bôk nău kan rơh rƀŭn bôk năp 3 nar. Jêh tâm ôi aơ (26/7), Ủy ban Thường vụ Quốc hội mbơh jêh tâm nchră ta Rmôt n’hanh rblang djiăt nău rgop bah ntoh măt Quốc hội mpeh nău nchrăp nuĭh kan gay săch kruanh dak. Nuĭh dơi nkoch lah wa Nguyễn Xuân Phúc-Kruanh dak mhe kan. Jêh rnôk tâm nchră, Quốc hội săch Kruanh dak đah trong ƀư nklăch phiếu ndâp, mbơh dâl jêh nĕ n’hanh Kruanh dak mhe mbơh dơn kan.

Ăp nuĭh ntoh măt Quốc hội nklăch phiếu uănh tay nuĭh kan ta rơh rƀŭn bôk năp

Jêh nĕ tay bôk nău kan nuĭh kan, Kruanh dak mbơh săk đă săch gay Quốc hội săch Thủ tướng Chính phủ; săch Groi kruanh dak, Chánh án Ngih phat dôih ƀon lan gưl prêh, Viện trưởng Viện kiểm sát nhân dân gưl prêh. Jêh tâm nchră ta rmôt mpeh nău nchrăp nuĭh kan an ăp gưl nău kan dơi Ủy ban Thường vụ Quốc hội mbơh tâm rơh pah kan kêng măng aơ lor rnôk Quốc hội nsơr ty mbơh an săk nuĭh gay săch.

Nuĭh rblang: Y Sưng Phê Ja