VOV4.M’nông: Đah nkô̆ nau Ntrơn rgâl nau kan ndơ sa: Nau blau mhe mom yor n’hâm soan ƀon lan ndrel play neh, Nar lam ntur neh druh ndăm 2021 lah nau dơi gay ma rnê, ryơk, rêng nau ngơi, nau kan kŏ kơt lah nau blau bah rơh mom, rgop ngăn tâm du trong tâm ban ndrel geh nau tâm ban ngăn đah nsum mpôl gay rƀŏng tât du nau rêh ueh lơn, rjăp lơn ndrel nâp nâl lơn. Tâm nau mbơh Nar lam ntur neh druh ndăm năm aơ, Tổng thư ký Liên hợp quốc Antonio Guiterres, kuăl jă nau rgop ngăn bah druh ndăm tâm nau snôih nsum gay ma rklaih ăp nau ntul rlong đah ntrong kan ndơ sa lam ntur neh. Tĭng nau mbơh ngăch bah LHQ, rnoh nŭih lam ntur neh hao ntơm 7,7 rmen rnôk aơ hao 9,7 rmen tâm năm 2050. Đah rnoh nŭih lam ntur neh nchrăp hao tay 2 rmen nŭih tâm 30 năm tât, nau ngăn ndŏ luh lah nau kan tăch du rnoh âk ngăn ndơ dŏng ân nau ŭch bah kon nŭih geh tât âk nau ntul rlong, tâm nê ân geh nkoch tât nau kan mô đê̆t geh tât đah ntŭk ntu./.

Nŭih rblang: H’Thi