VOV4.M’nông – Ta nar rƀŭn mbơh mpeh nchrăp bôk nău kan rơh rƀŭn bôk năp, Quốc hội khóa 15, Tổng thư ký Quốc hội Bùi Văn Cường an gĭt: Srê Covid-19 dôl geh jêr jŏt ta âk ntŭk, yơn lah, tĭng luật ntrŭnh mbrơi ngăn 60 nar jêh rơh săch an ntơm ƀư rơh rƀŭn bôk năp bah Quốc hội khóa mhe.

Tổng thư ký Quốc hội Bùi Văn Cường ƀư tơm rơh rƀŭn mbơh

Uănh khlay bah rơh rƀŭn lah uănh tay nuĭh kan  gưl prêh Ngih dak jêng ăp nuĭh ntoh măt mbra rgum rƀŭn, ntơm nklăch phiếu mpôn. Rơh rƀŭn ntơm ƀư tâm nar 20/7/2021 ta Ngih Quốc hội n’hanh lôch tâm nar 31/7/2021, rhoăt đêt 5 nar nkôp đah nău nchrăp. Rơh rƀŭn aơ geh nău tơm dŭt khlay, geh n’gâng tơm an nău kan bah Quốc hội khóa 15, tâm nĕ geh nkô̆ nău Quốc hội mbra ƀư săch, uănh an nuĭh kan ăp gưl nău kan kruanh bah ăp ngih pah kan Ngih dak; uănh mĭn tay, tâm nchră ăp nău mbơh mpeh wăng sa-rêh jêng n’hanh ntrŭnh du đêt nău khlay êng.

Nuĭh rblang: Y Sưng Phê Ja