VOV4.Mnông- Kêng măng nar 17/11, Nar tâm rnglăp lĕ mpôl rnoi geh ƀư ta ƀon Đăk Dơn, xã nkual njônh ngai Măng Ri, nkuăl Tu Mơ Rông, n’gor Kon Tum. Ƀon Đăk Dơn aƀaơ geh 100 rnăk ƀon lan, bơi tât 350 nuĭh, lĕ rngôch lah nuĭh rnoi đê̆ Xơ đăng. Ăp năm dăch aơ ndơ dŏng ntung trong, nău rêh bâh nuĭh ƀon lan geh rgâl mhe âk bâh geh tăm ăp ntil tơm geh nău wăng sa khlăy kơt lah, sâm Ngọc Linh, hồng đẳng sâm, cà phê bri nđik...

Tâm nar tâm rnglăp lĕ mpôl rnoi, nuĭh ƀon lan Đăk Dơn ndrel ƀư tŭr chĭng goh gong, njroh xoang, mbơh tơih mpeh văn hóa ndơ sông sa, tâm ton nsrôih lĕ rngôch rnoh rnăk geh nău mpŏng rnăk vâl văn hóa da dê, n’hao nău tâm rgop tăm sâm Ngọc Linh đah doanh nghiệp, nsrôih tât râng rdâk njêng nkual ƀon lan mhe, geh ƀư tĭng nău tâm ton n’hanh ƀư tĭng pháp luật. Nsum rhơn nar tâm mâp đah ƀon lan Đăk Dơn, wa Dương Văn  Trang, Bí thư n’gor Ủy, kruanh HĐND n’gor Kon Tum rnê nău nsrôih bâh nuĭh ƀon lan tâm nău hun hao wăng sa, rêh jêng, nkre lah mbơh tơih mpeh nău leo kan, ntrong kan gay ma n’hao nău dơi geh bâh nkual tăm sâm Ngọc Linh.

Nuĭh rblang: Thị Đoắt