VOV4.M’nông – NATO mbra tiăr nti an rmôt Afganistan ta bah dih neh ntu dak aơ, jêh rnôk NATO lôch 18 năm dơn ƀư nău kan rnă njrăng ta Afganistan tâm đêt khay tât. Nău mbơh aơ dơi Tổng thư ký NATO Jens Stoltenberg ndơ̆ jêh rơh rƀŭn nchră đah Tổng thống Pháp Emmanuel Ma-crông, tâm nchră mpeh trong kan nchrăp an rƀŭn nchră gưl prêh NATO tâm khay 6 tât. Wa Jens Stoltenberg lah rjăp, NATO mbra nkra rgâl ƀư tơm, tâm nĕ rgum mbơh ntĭm n’hanh ntop kơl ndâk ƀư an rmôt rnă njrăng Apganistan. Aƀaơ mô hŏ kloh, ăp năm tiăr nti mbra ntŭk ƀư. Ăp kruanh tahen Mỹ dôl nkah tay đah 2 nău kan: nkre an ƀư tĭng nău đă bah Tổng thống Joe Biden rhoăt tahen Mỹ luh Afganistan, nkre an ntop kơl rmôt Afganistan n’hanh groi nđôi ăp nău ntêt nkri.

Nuĭh răk rblang: Y Sưng Phê Ja