VOV4.M’nông – Jêh rnôk jêh bôk năp đah geh nău dăng an Tổng thống ơm kan Emmanuel Macron, âk nuĭh kruanh lam ntŭr neh lĕ njuăl nău mbơh rhơn tât Tổng thống Pháp Macron, nkoch nău tâm rnglăp kơt ŭch kan ndrel đah Pháp. Thủ tướng Canada lah ngoăy tâm âk nuĭh kruanh njuăl nău mbơh rhơn ơm ngăn tât nău dăng bah Tổng thống Pháp Macron. Tổng giám đốc Rmôt kan dak si lam ntŭr neh Ghê-brây-ê-xút nkoch nău ŭch tâm boh kan ndrel tay đah Rmôt kan aơ n’hanh Pháp yor du lam ntŭr neh uĕh lăng, đăp mpăn lơn, tâm ban lơn. Kruanh Ngân hàng Trung ương châu Âu Christine Lagarde, lĕ an âk nău rhơn wa Macron rnôk an lah “nău dơi rđău kan têh dăng bah Tổng thống Macron lah nău ŭch ngăn tâm ăp rnôk mô nâl nâl aơ”.

Nuĭh rblang: Y Sưng Phê Ja