VOV4.M’nông: Ấn Độ ndrel Liên minh Châu Âu (EU) tâm lơ 25/4 hŏ tâm ban nau ndâk rmôt kan Công nghệ ndrel tăch rgâl gay ma n’hao lơn tay nau tâm boh ƀư nau kan. Nua ŭch njêng aơ geh ndơ̆ luh tâm rơh tâm nchră bar ding đah Thủ tướng Ấn Độ Narendra Modi ndrel Kruanh Uỷ ban Châu Âu Ursula von der Leyen. Nau ton lah jêh tâm nchră mbơh, ntrong ƀư nau kan tâm rgop ƀư aơ mra ân bar ding rklaih ăp nau ntul rlong geh tât nau kan tăch rgâl, công nghệ geh nau rnơm ngăn ndrel đăp mpăn. Nau kan aơ nkre ƀư rjăp lơn tay nau tâm boh đah Ấn Độ ndrel Liên minh Châu Âu (EU). Bar rđau kan tâm ban nau lah, ăp nau rgâl ngăch bah ntŭk kan chính trị hŏ ntrŭt dăng nau ƀư ân bar ding ndơ̆ luh nau ndâk ntŭk kan mhe aơ./.

Nŭih rblang: H’Thi