VOV4.M’nông: Tâm rnôk Mỹ ndrel Phương Tây dôl nsôih bonh đă Ấn Độ ƀư duh lah ngăn nau tâm lơh leo tahen bah Nga lăp tâm Ukraine, lơ ¼, Kruanh n’gâng kan nchră nau Án Độ Giai-xan-ca ton lah, nau kan Ấn Độ mât nau tâm boh kan ma Nga lah yor nau geh jêng nsum bah lĕ 2 dak. Aơ lah nau ntoh mbơh ndơ̆ luh tâm rnôk tâm nchră đah wa Giai-xan-ca ndrel nŭih ndrel gưl kan bah Nga wa Sergei Lavrov ta Thủ đô New Delhi. Bar kruanh n’gâng kan kŏ nchră rnê preh nau tâm boh kan nsum đah Ấn Độ-Nga, kŏ kơt lah nau tât khuch êp aơ đah ăp nau tâm boh văng sa ndrel tăch rgâl. Tâm rơh rƀŭn, Kruanh n’gâng kan nchră nau Nga Lavrov hŏ mbơh nau kan gleh tât tât nau mĭn kan bah Nga tâm nau kan bah Ukriane, geh n’ăp ma nau tâm kuăl điện thoại dôl geh. Tâm rnôk nê, Kruanh n’gâng kan Giai-xan-ca lah rjăp, nau rƀŏng khlay bah nau kan nsrŭng tâm lơh ndrel nau kan ƀư nau tâm rkeh./.

Nŭih rblang: H’Thi