VOV4.M'nông: Ăp tơm nău lư bah Chính phủ Ấn Độ an gĭt dak dja aƀaơ mô geh trong nchrăp rlu tăch n'gluh phe tâm let năp tay. Ấn Độ lah dak tăch n'gluh phe dŭt têh lam ntŭr neh. Dak dja aƀaơ geh tŏng rnoh phe ntêm nkrem n'hanh rnoh khlay phe ba tâm dak dôl thuk rlău rnoh rvăt tă bah ngih dak kơl. Jêng, nău rlu tăch n'gluh phe lah mô jêng khlay. Ăp nău nchroh mpeh geh ma nău Ấn Độ rlu tăch n'gluh phe ntoh tâm rnôk, nar 14/5, Ấn Độ mbơh mpăng tăch n'gluh lúa mì lôch geh nău nchroh an lah dak dja mbra tăch n'gluh 10 rkeh tấn ndơ dja tâm năm aơ. Duh phang dŭt hô tâm rlău 2 khay aơ hŏ khuch dŭt âk tât săk geh bah rek lúa mì aƀaơ ta Ấn Độ, ntrôl rnoh rgum rvăt tâm dak hao khlay mô hŏ tă geh./.

Nuĭh rblang: Điểu Thân