VOV4.M’nông – Ấn Độ n’hanh Trung Quốc mhe ƀư rwăch tâm nchră tahen rơh tal 15 gưl Tư lệnh quân đoàn. Bôl mô dơi geh trong hăn uĕh tâm nău mkra tâm pit n’har bri ta mpeh Đông Ladakh, yơn 2 ding tâm ban ŭch mât tâm nchră gay ơm dơi geh du trong mkra dơi kơp dơn. Nău mbơh nsum jêh rwăch tâm nchră nkoch kloh, ăp nău nsrôih bah 2 ding mbra kơl nkra tâm rnglăp n’hanh đăp mpăn tĭng njok trong uănh nđôi ngăn ta nkual mpeh Đông n’hanh nta nơih an nău rgâl hao tâm boh ăp ding. Dôl uănh, 2 ding lĕ tâm ban ŭch mât rnă njrăng n’hanh đăp mpăn ta neh kơl ta nkual mpeh Tây. Nkre, kruanh 2 ding tâm ban ŭch mât tâm nchră tă bah ăp trong tahen n’hanh tâm rnglăp nchră nău, gay ơm dơi geh trong mkra “Dơi kơp dơn” đah ăp nău hôm e aƀaơ.

Nuĭh rblang: Y Sưng Phê Ja