VOV4.M’nông: Ấn Độ mra ntơm chuh n’gang vắc xin njrăng rdâng srê Covid-19 ân kon se ntơm 12 tât 14 năm, ntơm tâm lơ 16/3. Vắc xin geh dŏng lah corbevax bah ntŭk nkra vắc xin Biological E geh ntŭk kan ta Hai-đơ-ra-bát, dak Ấn Độ. Rnôk aơ, n’gâng kan Trung ương hŏ rvăt 50 rkeh dĭng vắc xin Corbevax ndrel pă tât du đê̆ ntŭk geh chuh n’gang tâm lam dak. Bah năp nê, Ấn Độ hŏ ntrŭnh nau leo chuh n’gang pơk hvi ân kon se ntơm 15 tât 18 năm, ntơm lơ 3/1 ndrel dĭng vắc xin ân geh n’hao chuh ân ăp nŭih pah kan tâm ngih dak si ndrel ăp nŭih kơl an mpeh bôk năp njrăng srê. Tĭng nau nchrăp bah Chính phủ Ấn Độ, geh nklăp 47 rkeh kon se tâm dak aơ tâm rnoh năm ntơm 15 tât 18 năm geh chuh vắc xin bôk năp ndrel đê̆ ngăn lah 30 rkeh kon se tâm rmôt nê geh chuh tŏng ăp./.

Nŭih rblang: H’Thi