VOV4.M’nông-Kruanh n’gâng kan mât rnă njrăng ngih dak Anh Ben Ua–lâys (Ben Wallace) an gĭt, Anh geh nău nchrăp n’hao nău tât râng kan tahen ta Bắc cực, tâm rnôk ăp dak kan ndrel bâh NATO mĭn rvê mpeh Nga. Kruanh n’gâng kan Ben Ualâys mbơh, Anh mbra ton mpeh nău tahen lăp kan ndrel, tâm boh kan na nê̆ lơn đah ăp dak kơt lah Na Uy” gay ma mât ăp nkual dak lêng ta Bắc Đại Tây Dương. Wa lah na nê̆ an geh rdâk njêng rmôt kan rdul lơh tahen dak tahen kơh pah kan ta mpeh Bắc Âu n’hanh mpôl kan aơ mbra tâm pleh ndơ̆ tahen đah Na Uy, Thụy Điển n’hanh Phần Lan. Kruanh n’gâng kan mât rnă njrăng ngih dak Anh mbra geh nău ntoh ngơi nĕ rnôk tât khâl n’hanh gĭt saơ du rơh nti tahen bâh NATO ta nkual mpeh Bắc cực (nkual neh ta Na Uy) đah nău tât râng bâh 30 rbăn tahen geh tiăr nti.

Nuĭh rblang: Thị Đoắt