VOV4.Mnông- Thủ tướng Australia Scott Morrison n’hanh Thủ tướng Anh Boris Johnson mhe geh rơh tâm nchră trực tuyến n’hanh lĕ dơi geh âk nău tâm ban ta âk nkô̆ nău tâm kơl bar ding, nkre lah bar ding lĕ tâm ton mbra ntrôl ăp ntrong kan tâm kơl na nê̆ lơn tay gay ma ntrôl nău mât đăp mpăn n’hanh ueh lăng ta Ấn Độ Dương - Thái Bình Dương . Ta nău mbơh nsum lôch rơh tâm nchră, Thủ tướng Australia Scott Morison n’hanh Thủ tướng Anh Boris Johnson dơn ngpăy bar chính phủ mbra geh tâm kơl ndrel đah ăp dak kan ndrel gay ma mât đăp mpăn ta nkual Ấn Độ Dương - Thái Bình Dương đăp mpăn, pơk hvi, lăp kan ndrel n’hanh têh hao. Gay ma kơl tâm ton tât râng âk n’hanh jŏ jong bâh Australia đah nău rnă njrăng ta nkual, chính phủ Anh mbra geh tâm rgop 25 rkeh bảng Anh gay ma n’hao nău dơi ndâk nsơm bâh nkual Ấn Độ Dương - Thái Bình Dương tâm ăp ntrong kan.

Nuĭh rblang: Thị Đoắt