VOV4.M’nông - Ta năp nu nău duh jêr đah Nga n’hanh Ucraina, n’gâng kan ăp dak Đông Âu lĕ phong nău rdôl lơh aơ n’hanh mbơh nchrăp wơt mpôl nuĭh gŭ ndê tât bah Ucraina. Ăp nău mbơh an gĭt hang rbăn nuĭh trơn gŭ lĕ sĭt n’har bri du đêt dak geh nsum trong n’har bri đah Ucraina geh Ba Lan, Hungary, Slovakia, Romania n’hanh Moldova. Bôl ngoăy tâm dak dăch bên đah Nga, Thủ tướng Hungary Viktor Orban lĕ phong nău rdôl lơh bah Nga nchrŏng tâm dak Ucraina. Nuĭh Kruanh Hungary mbơh dak aơ nchrăp wơt dơn ăp nuĭh gŭ ndê tât bah Ucraina. Tâm nău geh tât, Tổng thống Ba Lan Andrej Duda lah rjăp Ba Lan mbra tâm rnglăp tay đah Ucraina. Pơng mĭn lah ăp dak phương Tây an geh nău mĭn nsum n’hanh ƀư lôch dŭt đah ăp nău ƀư rdôl lơh aƀaơ hin bah Nga đah Ucraina.

Nuĭh rblang: Y Sưng Phê Ja