VOV4.M’nông: Lơ ¼, Liên hợp quốc mbơh ăp ding dôl tâm lơh ta Yemen hŏ dơi geh nau nchrăp nsrŭng pănh tâm 2 khay. Âk dak hŏ ngăch ntoh nau rnê prêh ngăn tât nau nsrŭng pănh, geh ân lah trong pơk mpông geh nau đăp mpăn ân neh dak aơ. Nau nchrăp nsrŭng pănh tâm 2 khay lah nau dơi nchrăp tay nar lah ăp nau kan bah ăp ding dôl tâm ban nau mĭn. Tổng thư kí Liên hợp Antonio Guiteres ân lah, nau đă nsrŭng păng geh tâm rnôk ntrơm bah khay sa sât Ra-ma-dan, pơk mpông ân nau rklaih ăp nau kan văng sa ndrel nau kơl an ndal bah neh dak aơ, njêng nau geh ueh ngăn gay ma dơi ndâk tay nau kan chính trị. Nau ân nsrŭng pănh lah nhoat hăn bôk năp nsrŭnh nau tâm lơh jŏ jong tâm Ye-men. Thủ tướng Anh Bo-ris Jon-son kŏ ân lah, aơ lah du mpông trong pơk nau tât gay đăp mpăn ndrel nsrŭng ăp nau tâm lơh khuch tât nau kơl an./.

Nŭih rblang: H’Thi