VOV4.M’nông: Tâm rơh hăn khâl ngăn Trung Quốc, Tổng thư ký rmôt kan tâm boh nkuăl njônh hŏ ntoh nau ŭch n’hao nau tâm boh kan nsum bar ding tâm âk nau kan êng êng, gay dơi geh nau nsum. Tâm rơh tâm nchră ngăn đah Kruanh n’gâng kan nchră nau Trung Quốc Vương Nghị, Tổng thư ký Hội đồng tâm boh nkuăl njônh, wa Neyef Al-Hajraf, hŏ lah rjăp nau khlay bah nau tâm boh nkuăl njônh-Trung Quốc ndrel nau kơl an bah ăp dak nkuăl njônh tâm nau tâm boh n’hao bar ding tâm ăp nau kan êng êng, gay dơi geh nau nsum ueh. Bar ding kŏ uănh ăp nau dơi bah rơh rƀŭn nchră Kruanh n’gâng kan nkuăl njônh-Trung Quốc, geh ƀư tâm khay 11/2020, kŏ kơt lah rơh rƀŭn đah Tổng thư kí ăp dak tâm nkuăl njônh ndrel Kruanh n’gâng kan nchră nau Trung Quốc ta Riyadh A-rập Xê-út tâm khay 3/2021, nkre lah rjăp nau khlay bah nau kan n’hao tâm boh nau kan nsum, văng sa, dak si ndrel hun hao./.

Nŭih rblang: H’Thi