VOV4.Mnông-Nar 20/2, Điện Kremlin an gĭt, tĭng nău mĭn kan bâh mpeh Pháp, Tổng thống Nga Vladimir Putin lĕ geh rơh tâm nchră đah Tổng thống Pháp Emmanuel Macron, đah nkô̆ nău tơm lah nău duh jêr ta Donbass-Ukraine. Bar hê nuĭh leo kan joi ăp ntrong kan nchră nău đah dak bah dih mpeh nău aơ. Ta rơh tâm nchră ma điện thoại bâh bar hê nuĭh leo kan Nga-Pháp, nău mât uănh răng dăng lĕ geh mpơl mpeh nău mô ueh hô ta trong tâm mbơh ngơi ta Donbass. Tổng thống Putin nkah đă, nkô̆ nău duh jêrr lah ăp nău tâm nsĭch bâh mpôl kan Ukraine. Uănh n’hêl tât nău duh jêr hô bâh nkô̆ nău aƀaơ, ăp tổng thống Nga-Pháp an lah, an geh n’hao joi ăp ntrong kan đah ăp ntrong nchră nău đah dak bah dih bâh ăp n’gâng kan nchră nău dak bah dih n’hanh mbơh nău ôp nău chính trị bâh ăp nuĭh leo kan ăp dak tât râng uănh năl Normandy. Ăp rơh tâm mâp aơ geh ƀư njêng gay ma kơl ndâk nsơm nău đă rlu tâm lơh n’hanh mât đăp mpăn ngăch doh rklaih văr nkô̆ nău ta Donbass.

Nuĭh rblang: Thị Đoắt