VOV4.M'nông: Ta rơh hop tâl 13 bah Ủy ban tâm boh nsum ASEAN- Mỹ mhe ƀư ta thủ đô Jakarta bah Indonesia. Nău mbơh báo chí bah Ban thư ký ASEAN an gĭt, ta rơh hop bar ding lah rjăp tâm boh têh jong đah ASEAN- Mỹ nar lơn ma pơk hvi ta âk trong kan tâm  boh ta lĕ pe n'gâng tơm bah ASEAN. Kruanh bar ding nchih nkah đŏng ăp nău rgâl uĕh tâm nău tĭng ƀư trong nchrăp kan ASEAN- Mỹ. Mỹ ton mbra ntop kơl ăp nău nsrôih bah ASEAN tâm nău ntrŭt ntrôl đăp mpăn, rnă njrăng n'hanh têh ndrŏng ta nkual. Rơh hop lah rjăp nău khlay bah nău n'hao dăng tâm boh tâm âk trong kan. Nkre, rnê âk nău tâm ton bah Mỹ tâm nău ntop kơl dâk hao tay bah ASEAN, đăp mpăn nău dơi tât vaccine tâm ban đah rnoh khlay dah găp./.

Nuĭh rblang: Điểu Thân