VOV4.Mnông- Hiệp hội ăp ngih dak Đông Nam Á (ASEAN) n’hanh ntŭk kan tâm kơl n’hanh hun hao wăng sa (OECD) ký nău tâm ton kahgĭt n’hao tâm kơl n’hanh mpŏng tât nău tâm boh kan lĕ rngôch. Nău kahgĭt yor Tổng thư kí ASEAN Dato Lim Jock Hoi n’hanh Tổng thư ký OECD Mathias Cormann tâm ton đah nău tât râng bâh ăp nuĭh kruanh bôk nău kan nkual Đông Nam Á aƀaơ n’hanh tât tay bâh OECD tât bâh Hàn Quốc, Thái Lan, Việt Nam n’hanh Australia. Tĭng nău mbơh bâh Ban thư ký ASEAN, nău tâm ton geh ký gay ma ŭch n’hao nău tâm kơl kan ASEAN n’hanh OECD mpŏng tât du nău tâm boh kan lĕ rngôch n’hanh mpŏng tât let năp tay, gay ma kơl nău ƀư tĭng nău nchrăp kan lĕ rngôch rdâk njêng ntŭk wăng sa ASEAN n’hanh ntŭk kan văn hóa- rêh jêng ASEAN tât năm 2025, ngăn lah lôch nuh srê Covid-19.

                    Nuĭh rblang: Thị Đoắt