VOV4.M’nông- Ta Washington , Mỹ, kruanh n’gâng kan nchră nău đah dak bah dih Bùi Thanh Sơn lĕ ndrel đah kruanh n’gâng kan nchră nău đah dak bah dih ăp dak ASEAN uănh nđôi ăp nău kan nchrăp an rơh rƀŭn nchră gâl têh khlăy ASEAN- Hoa Kỳ geh ƀư tâm 2 nar 12-13/5/2022. Tĭng nău mbơh bâh Campuchia, kruanh ASEAN, rơh rƀŭn nchră gâl têh khlăy ASEAN- Hoa Kỳ rơh aơ mbra geh ƀư đah âk nău kan dŭt khlăy. Ta meng ăp nău pah kan tâm nău kan kơt lah leo ƀư răk ngêt sông bâh Tổng thống Joe Biden, ăp rơh rƀŭn  nchră ngăn đah nuĭh leo kan bar ding, nuĭh leo kan ăp dak ASAEN mbra geh tâm mâp đah âk nuĭh êng êng kơt lah nuĭh leo kan Quốc hội, doanh nghiệp, mpôl kan Hoa Kỳ. Ăp kruanh n’gâng kan dơn ngoăy tâm ban ŭch đah ntrong kan gay ma an ngluh mbơh ăp nău pah kan aơ, nkre lah na nê̆ nău khlăy bâh rơh rƀŭn nchră gâl têh ngăn ngên ASEAN- Hoa Kỳ rơh aơ lah rdâk njêng nău tâm boh kan ueh ndrel geh tâm di đah ASEAN-Hoa Kỳ.

Nuĭh rblang: Thị Đoắt