VOV4.M’nông – Ta rƀŭn nchră Kruanh n’gâng kan dak si ASEAN rơh tal 15 ƀư ta Bali, Indonesia bah nar 11-15/5, ăp Kruanh n’gâng kan dak si ASEAN lĕ mbơh an nău ndâk njêng Ntŭk ASEAN mpeh ăp nău ndal n’hanh nău kop ji mhe hao. Ntoh ngơi ta rƀŭn mbơh jêh nău khlay, Kruanh N’gâng kan dak si Indonesia, Budi Gunadi Sadikin an gĭt, nău ndâk njêng ntŭk ASEAN mpeh ăp nău ndăn n’hanh nău kop ji mhe ntoh gay rdâng đah ăp rơh ntoh srê geh tâm rgŏ năp. 3 n’gâng tơm bah nău ndâk njêng ntŭk kan geh groi nđôi, saơ n’hanh rdâng. Rlău ma geh n’gâng tơm mât uănh nău mô lap. Tâm rnoh 10 dak tâm ASEAN, Việt Nam, Thái Lan n’hanh Indonesia lĕ ton đah ăp n’gâng tơm aơ. Yor nê, bôl ntŭk kan ASEAN mpeh ăp naư ndăn n’hanh nău kop ji mhe ntoh kơt dŏng an ASEAN yơn nău dơi khlay geh ta 3 dak n’gâng tơm n’hanh ăp dak aơ lĕ dăn đă văn phòng ta Indonesia an ăp nău ndrôih ndâk njêng n’hanh ndơ̆ an dŏng ntŭk kan.

Nuĭh rblang: Y Sưng Phê Ja