VOV4.M’nông: Lơ 14/3, nŭih rđau kan bah Autralia hŏ ntoh nau nkah nau kan ƀư mbrơi nau chuh n’gang bah srê Covid-19 ntop tay, mra dơi pơk njêng du nau ntưp rêng mhe tâm rnôk ntoh luh ăp ntil njêng săk AB.2 nơih geh ntưp ngăch. Ntoh nau klơ ntŭk ntpoh rup ABC, Kruanh n’gâng kan dak si ndrel nŭih mĭn njêng khoa học Bang New South Wales Brad Hazzard mbơh, rnoh nŭih ntưp mhe ăp nar mra hao âk rlau 2 tơ̆ tâm ntơm 4 tât 6 pơh tât đah rnoh nŭih lăp săm tâm ngih dak si hao âk, nau njêng săk mhe BA.2 dôl ma ntưp rêng ngăch. Tât rnôk aơ mhe knŭng geh rlau 57% nŭih ƀon lan Australia rlau 16 năm geh chih nglai tal 3 gay ma njrăng rdâng ma srê Covid-19 tâm bang New South Wales. Rnoh nŭih chuh tâm bang New South Wales rnôk aơ hôm dêh lơn rnoh geh nsum bah lam dak lah 65%./.

Nŭih rblang: H’Thi