VOV4.M'nông: Lôch rnôk du đêt dak lam ntŭr neh kơt Mỹ, Anh, Nhật Bản mbơh ăp trong rmal Nga geh tât nô nău ta Ukraine, nar 23/2, Australia mhe n'gluh du đêt trong rmal Nga đŏng. Lah ta rơh họp báo, Thủ tướng Australia Scott Morrison an gĭt, dak dja mbra n'gluh ăp trong rmal Nga. Ăp trong rmal lĕ ma nău ntrŭnh mpăng rsong hăn tay n'hanh ăp trong rmal prăk kaih đah 8 nuĭh lăp kan nsum bah Hội đồng rnă njrăng neh dak Nga. Aƀaơ ta 7 ngân hàng bah Nga hŏ nchih tâm săk ân tĭng groi nđôi. Bah meng nê, Australia an dŏng nău ntrŭnh rmal đah ăp n'gâng kan wăng sa tơm đŏng kơt ŭnh nar, viễn thông, ntung trong, pring xăng, n'hanh loih kông ta bar nkual neh Donetsk n'hanh Luhansk ma Nga mhe kơp dơn đăp mpăn./.

Nuĭh rblang: Điểu Thân