VOV4.M'nông: Tâm nău nsrôih gay bah ir tât khuch bah ăp nău lư tih leh tât lha phiếu bah cử tri tâm rơh bầu cử Quốc hội tâm nar 21/5 tât, Australia hŏ đă ăp mạng xã hội n'gluh jăng ăp nău lư tih leh. Tâm n'gul bôk năp rơh hăn tâm rlong, Ủy ban bầu cử Australia đă ăp ndơ dŏng mạng xã hội tâm nê geh Facebook, Instagram, Twitter n'gluh jăng 40 nkô̆ tih leh mô lah nkoch nklă mpeh bầu cử. Ăp nkô̆ dơi đă n'gluh jăng lah ăp nău lư nchoh nklă mpeh nău Australia dŏng máy nklăch phiếu Dominion, ăp nău nchih đă nklăch phiếu mô di ngăn ngăn, ăp tài khoản rlăm săk bah Ủy ban bầu cử Australia, nău lư tih leh mpeh rêng ƀư bầu cử kơt ăp nuĭh geh Covid-19 mô dơi hăn nklăch phiếu mô lah nău dŏng bút chì gay keh têl mbra geh nde gay ma jut kach. Nuĭh ntơh ngơi bah Ủy ban bầu cử Australia an gĭt, nhih pah kan dja dôl geh nău tâm boh uĕh đah ăp ndơ pơk mạng xã hội jêng lĕ rngôch ăp nău đă n'gluh jăng ăp nkô̆ dơi ƀư da dê./.

Nuĭh rblang: Điểu Thân