VOV4.M’nông: Măng 29/3 (tĭng mông dak nê) Australia mhe mbơh nau nchrăp tơm prăk ân năm tơm prăk mhe 2022-2023. Tâm nê ntoh ngăn lah nau n’huch soau bah êng săk nŭih, dŏng âk prăk gay ma kơl an ân ăp rnăk vâl, ntŭk ƀư nau kan tăch rgâl jê̆ ndrel ăp nkuăl mhe geh nau khuch kŏ kơt lah kơl an rnoh prăk pring xăng. Tâm rnôk tâm khay 5 Australia mra ƀư săch kan Quốc hội, nau kan kơl an ndal geh uănh lah ngoai tâm ăp ntrong ƀư gay đảng mât nau kan bonh đă ƀon lan lŏ hăn nklăch phiếu ân nơm. Tâm nau nchră tơm prăk ma N’gâng kan tơm prăk Australia Josh Frydenber mhe mbơh ân saơ, bol ma nau văng sa dôl ndâk tay đah rnoh ngăch lơn bah ăp dak kan nsum bah G7, rnoh mô geh kan pah tâm rnoh 3,75%. Nau nchrăp tơm prăk ân saơ nau kơl an bah Chính phủ Australia nê lah n’huch nau mbăk jâk bah rnoi hao khlay ndoh ndơ dŏng, ndrel nau jâk mpeh nau hao khlay bah ăp rnăk vâl ndrel ăp rmôt kan tăch rgâl jê̆./.

Nŭih rblang: H’Thi