VOV4.M’nông: Chính phủ Australia mbơh rnoh ntuh kơl rlau 31,5 rkeh đôla Australia ân du nau kan mĭn njêng mpeh ăp nau tât khuch bah srê Covid-19 tât n’hâm soan ƀon lan. Tâm nê rlau 10 rkeh AUD mra geh pă ân ăp nau kan mĭn njêng bah Ngih săm ƀŭt Đại học Monash. 4 rkeh AUD tâm nê mra geh đŏng ân ăp nau kan rlong dak si rdâng kman tâm ngih dak si ndrel rlau 6 rkeh AUD hôm e geh pă ân nau mĭn rlong tâm ntit nau dơi rdâng đah srê đah ăp nŭih dăng, ăp nŭih nơih geh ntưp ndrel kon se gay ma uănh năl mpeh nau mâp bah năp nau njêng săk mhe. Êp nau kan pă prăk ân ăp nau mĭn njêng tâm ăp ngih săm ƀŭt Đại học têh bah Australia, dak aơ kŏ dŏng 3 rkeh AUD ân N’gâng kan dak si ndrel kơl an gay ma ndâk Sổ đăng ký Covid-19 ndrel tâm rgop đah ăp mrô êng. Nau kan aơ mra jêng nau dơi tâm nthoi đah ăp nau mbơh ndrel ăp nŭih ntưp srê Covid-19 đah ntrong kan bah dak si dôl geh rnôk aơ./.

Nŭih rblang: H’Thi