VOV4.M'nông: Lôch bơi 2 năm ntĭl mpông, nar 7/2, Australia mhe mbơh mpeh nău pơk mpông n'har bri hăn dak bah dih. Thủ tướng Australia Scott Morrison an gĭt nsing tâm nău njrăng đă bah ăp nuĭh rnâng kan dak si, chính phủ liên bang pơk hvi bah dak dja mhe rgum hop n'hanh ndơ̆ luh nău n'glêh an ntơm pơk mpông n'har bri hăn dak bah dih ntơm bah nar 21/2 tât an lĕ rngôch ăp nuĭh hŏ chuh tŏng 2 n'glai vaccine njrăng n'gang Covid-19.  Đah ăp nuĭh mô hŏ chuh mô lah chuh tŏng 2 n'glai vaccine njrăng n'gang Covid-19 ri rlău ma si ƀŭt an jŭr hôm dăn si ƀŭt an lăp đŏng n'hanh lah dơi pă an, ăp nuĭh dja mbra ân gŭ rgum êng 2 pơh tâm khách sạn. Ndrĭ, lôch bơi 2 năm ntĭl mpông n'har bri hăn dak bah dih n'hanh tor lor tĭng kơn pơk mpông n'har bri jŏ 4 khay, Australia hŏ nchrăp chuat lăp tâm rơh mhe đah nău mpŏng jâng wăng sa mbra dâk hao tay ngăch tâm ăp khay tât đŏng./.

Nuĭh rblang: Điểu Thân