VOV4.M’nông-  Nar 9/6, chính phủ Ba Lan geh nău mbơh mbra nklơi jăng nău mbơh ndal ta nar 1/7 rgŏ trong n’har bri đah Bêlarus lôch rnôk dak aơ ƀư lôch nău kan rdâk njêng du mpêr n’gar gay ma mô an nuĭh gŭ du der tât ta aơ. Bâh bôk năm 2022, Ba Lan ntơm njêng mpêr n’gar loih prêh 5,5m gay ma mô an nuih ntŭk êng tât n’hanh bah ir lĕ rngôch ƀon lan lăp gŭ ta nkual n’har bri lôch du rnoh âk nuĭh gŭ du der bâh trung Đông hăn let n’har bri bâh Belarus tât ăp ngih dak kan ndrel châu âu kơt lah Ba Lan, Litva n’hanh Latvia. Rnôk trong hăn ntrơn du mhe pơk, bar pe jât rbăn nuĭh bâh Iraq, Yemen, Afghanistan, Syria, ăp ngih dak châu phi n’hanh geh nđâp ma Cuba ntơm nsrôih lăp ta EU bâh Belarus. Rbăn nuĭh lĕ hăn tât Đức mô lah ăp ntŭk êng ta Tây Âu. Yơn lah, mpôl kan mât njrăng n’har bri n’hanh cảnh sát Ba Lan lĕ nsrôih njrăngn’hanh an bah ăp nuĭhb gŭ du der tât n’har bri bâh Belarus.

Nuĭh rblang: Thị Đoắt