VOV4.M’nông – Tâm nău mbơh nsum bah Chính phủ Ukraine n’hanh Ban Lan nar 1/6, Ba Lan an gĭt mbra kơl nău Ukraine nglăp nsum Liên minh châu Âu EU n’hanh rmôt NATO, nkre nsrôih gay Ukraine dơi geh nău nuĭh lăp EU tâm khay 6 aơ. Jêh rnôk tâm nchrăp 2 chính phủ, ăp ding lĕ ký du đêt sam ƀŭt khlay. Tâm nĕ geh nău mbơh nsum đah Tơm prăk nkre hun hao n’hanh Nău kơl nkual bah Ba Lan n’hanh N’gâng kan hun hao nsum mpôl n’hanh Nkual neh Ukraine. Tĭng nĕ, Ba Lan mbra kơl hun hao ăp nsum mpôl nuĭh Ukraine kơt du gâl mô dơi mô geh tâm trong nchrăp rdâk hao tay dak aơ. Sam ƀŭt nchih kan ndrel đah N’gâng kan Ŭnh nar Ukraine n’hanh Ba Lan gay n’hao kan ndrel tâm nău kan ŭnh nar lĕ dơi ký. Tâm nĕ, Ba Lan mbra kơl nău Ukraine nglăp mŭt ăp naư nchrăp ƀư ŭnh nar châu Âu, hun hao ntŭk tăch ndơ su.

            Nŭih blang: Y Sưng Phê Ja