VOV4.M'nông: Bar hê nuĭh tâm rlong ƀư Tổng thống Pháp năm 2022 lah wa Emmanuel Macron n'hanh chính trị gia Marine Le Pen mhe geh rơh tâm rlăch ndăng gay mât nău mĭn tâm rlong bah he. Rơh tâm rlăch bôk năp đah nkô̆ khlay mpeh rnoh âk rvăt dŏng ndơ, nău khlay kan bah dak Pháp tâm châu Âu, rơh tâm lơh ta Ukraina n'hanh nău tâm boh đah Nga mô lah rgâl trong kơl rlu ranh n'hanh rgâl lam trong kan dak si lôch bah kơi nuh srê. Lôch nê lah ăp nkô̆ nău mpeh rgâl duh nđik trôk nar, công nghệ cao, wăng sa mbrô, ntĭm nti, rnă njrăng. Wa bu ur Marine Le Pen dơi uănh lah hŏ geh nău mpơl uĕh lơn rđĭl đah rơh tâm rlong đah aƀaơ 5 năm. Lôch jêh ôp suăng lor nău lư an saơ nău dơi dôl nkêng mpeh Tổng thống Pháp Emmanuel Macron, đah 59% rnoh phiếu ŭch, tâm rnôk wa bu ur Marine Le Pen dơn geh 39% phiếu nklăch, hôm 2% nklăch phiếu dơm./.

Nuĭh rblang: Điểu Thân