VOV4.M'nông: Nar 28/2, geh 2 rơh hop khlay geh tât nô nău Ukraine, nê lah rơh hop ndal mha êng bah Đại hội đồng Liên hợp quốc n'hanh rơh tâm nchră đah Nga n'hanh Ukraine ta n'har bri Belarus. Tĭng nê, mpôl đă hăn kan bah Nga n'hanh Ukraine tâm mâp ta Belarus. Văn phòng Tổng thống Ukraine năl lah, Thứ trưởng ngoại giao dak dja leo mpôl râng tâm nchră n'hanh Belarus geh nău dơn kan mât đăp mpăn an lah lĕ rngôch ndeh păr, ndeh păr kung n'hanh grăp ŭnh ta neh dak Belarus mbra gŭ ngăn du ntŭk. Bah năp nê, Tổng thống Ukraine hŏ dun sơch Belarus lah ntŭk ƀư tâm nchră, yơn rnôk ŭch- păng mô geh âk nău mpŏng tâm rơh tâm tâm dja đŏng rnôk an lah, rơh mâp lah ndơ an saơ Tổng thống Ukraine hŏ nsrôih nking nchăng bah tâm lơh. Ndrel nar, Đại hội đồng Liên Hợp Quốc hŏ ƀư rơh hop ndal gay nchră mpeh nô nău Ukraine đŏng, tâm nê mbra geh rơh nklăch phiếu đah trong nchrăp nghị quyết nduih lah nău kan tahen bah Nga ta Ukraine.

Nuĭh rblang: Điểu Thân