VOV4.M’nông - Nar 10/5, Tổng tham mưu trưởng, Groi kruanh bôk năp N’gâng kan mât njrăng bri dak Belarus Viktor Gulevich an gĭt, Belarus mbra mbơh ƀư ăp ntŭk kan tâm rmôt pah kan êng gay rdâng đah ăp nău ndâk njêng rmôt 20.000 tahen Ucraina êp n’har bri. Gay đăp mpăn rnă njrăng an Cộng hòa Belarus gŭ mpeh bah dâng, ăp ntŭk kan rmôt pah kan êng dơi ƀư tĭng 3 trong tâm lơh. Ăp rmôt tâm lơh gưl tiểu đoàn dôl hăn ăp mpeh tây n’hanh tây bắc. Khân pơng mbra dơi ntop tay yor ăp ntŭk kan njrăng n’gang ka lơ trôk, tahen grăp phao ŭnh n’hanh pháo binh, gay đăp mpăn nău dơi tâm lơh. Wa Gulevich an lah, Mỹ n’hanh ăp dak kan ndrel NATO dôl ntop tay tahen gŭ êp n’har bri du đêt dak tâm nkual. Tâm nĕ, du rmôt djôt grăp phao ŭnh lĕ ntoh ta Địa Trung Hải n’hanh dak lêng Baltic.

Nuĭh rblang: Y Sưng Phê Ja