VOV4.M'nông: Bộ trưởng Quốc phòng Trung Quốc Ngụy Phượng Hòa mhe geh rơh kuăl điện tâm nchră đah Bộ trưởng Quốc phòng Mỹ Loi Lloyd Austin. Wa Ngụy Phượng Hòa an lah, Trung Quốc n'hanh Mỹ ân tĭng ƀư jăp nău tâm ban ŭch ma kruanh bar dak hŏ dơi geh, tâm uănh khlay nsum, ndrel gŭ rêh đăp mpăn n'hanh der bah tâm rkeh. Trung Quốc mpŏng njêng du trong tâm  boh dak têh ndrŏng đăp mpăn đah Mỹ, nkre mbra mât njrăng nău geh n'hanh nău lư bah he. Plơng ơh tay, Bộ trưởng Quốc phòng Mỹ an gĭt, Mỹ mbra ntrŭt ntrôl tĭng ƀư ăp nău kan nsum khlay ma bar kruanh bar dak hŏ tâm ban ŭch, nkre ƀư tâm rgâl, tâm boh tâm trong kan tahen đah Trung Quốc. Mỹ tĭng trong kan "du Trung Quốc” n'hanh an lah bar ding ân mât uănh nău tât rmoh rman du trong geh nău dơn kan, nkra tâm di ăp nău jêr jŏt khlay tâm trong tâm boh ma tahen bar ding mâp geh./.

Nuĭh rblang: Điểu Thân