VOV4.M'nông: Tĭng Liên Hợp Quốc, dŭt đêt 870.000 nuĭh nchuăt du der hŏ luh bah Ukraine hăn tât ăp dak kâng n'har mpeh luh nar châu Âu rnôk tâm lơh đah Nga n'hanh Ukraine nar lơn ma hô. Tĭng nchih rgum dŭt mhe bah Liên Hợp Quốc kơp tât lĕ khay 2, rlău du n'gul rnoh nuĭh nchuăt du der tâm rnoh 870.000 nuĭh hŏ du tât Ba Lan, lôch nê lah 116.000 nuĭh ta Hungary n'hanh 79.000 nuĭh ta Moldova. Hang rmưn nuĭh êng ƀa ƀă hŏ du der tât ăp dak kiău ma. Liên minh châu Âu (EU) an gĭt ăp dak mbra wơt ăp nuĭh nchuăt du der bah Ukraine, ntlơi ăp nău way gay an nuĭh ƀon lan Ukraine lăp gŭ ma mô kâp geh si ƀŭt ngăn./.

Nuĭh rblang: Điểu Thân