VOV4.M' nông- Tĭng nău mbơh bâh Đài KBS, ƀon lan Hàn Quốc ta dak bah dih lĕ ntơm nklăch phiếu săch Tổng thống Hàn Quốc tal 20 ta ăp ntŭk nklăch phiếu ta rlău 110 ngih dak ta lam ntur neh. Tâm rnôk nklăch phiếu lah bâh 8 mông ôi nar 23/2 tĭng mông ta ăp dak. Ƀon lan mbra geh ƀư ăp trong kan njrăng nuh srê kơt lah veh duh săk, rao ti, dŏng ntrôm ti du tơ̆ dŏng, lôch nĕ nklăch phiếu. Geh lĕ dĭng lĕ 219 ntŭk nklăch phiếu geh njêng tay ta 110 ngih dak ta rơh aơ. Lĕ rnoh ƀon lan mbơh dăn lah 226 rbăn nuĭh, hŭch klâp ma 23% đah rơh săch Tổng thống tal 19 (294 rbăn nuĭh”. Êng rnoh ƀon lan dăn nklăch ta Thái Lan hao klâp ma 8% bol ma geh nău khuch âk bâh nuh srê Covid-19. Tâm rnôk nklăch phiếu ta dak bah dih mbra jŏ tâm 5 nar, tât lĕ nar 28/2.

Nuĭh rblang: Thị Đoắt