VOV4.M’nông – Rƀŭn nchră râng ôp mpeh ntop kơl kon nuĭh ASEAN an Myanmar mbra ƀư ta Phnôm Pênh, Campuchia tâm nar aơ (6/5) đah trong ƀư ta ntŭk tâm rgop đah trực tuyến. Rƀŭn nchră geh nău ndrel ƀư tơm bah Kruanh N’gâng kan tâm rnglăp nchră nău n’hanh Kan ndrel lam ntŭr neh Campuchia đah nău ƀư lah Đặc phái viên bah Kruanh ASEAN mpeh Myanmar n’hanh Tổng thư ký ASEAN đah nău ƀư lah Điều phối viên ntop kơl kon nuĭh ASEAN. Rƀŭn nchră aơ pă an du gưl têh gay ASEAN dơi tâm nchră âk ding gay ndơ̆ trong ntrôl ntop kơl kon nuĭh bah ASEAN an nuĭh ƀon lan Myanmar nsing tâm ăp nău way kơl kon nuĭh n’hanh mô tâm nkhah. Rƀŭn nchră dơi ƀư gay tâm nchră, tâm ban ŭch ăp trong mkra n’hao pă an ntop kơl kon nuĭh an Myanmar n’hanh mô an ntlơi gŭ bah kơi.

Nuĭh rblang: Y Sưng Phê Ja