VOV4.M'nông: Wa Ahmed Ogwell - nău dơi ƀư Giám đốc Ntŭk rgum mât kân n'hanh Njrăng n'gang nuh srê Châu Phi (CDC) mbơh njrăng lor, âk nău mpơl an saơ geh ma nău kaman njêng săk mhe COVID-19 dơh ntưp rêng lơn mbra ntoh ta Châu Phi tâm let năp tay. Tĭng rnoh nchih bah CDC Châu Phi, Châu Phi mhe uănh saơ rnoh hao ntưp rĭng 36% ăp nuĭh ntưp COVID-19 mhe tâm 4 pơh rlău aơ, đah ăp nkual Trung n'hanh Đông Phi mbơh rnoh nuĭh ntưp COVID-19 mhe hao lah 113% n'hanh 54%. CDC Châu Phi dôl kuăl jă rlong âk tơ̆ gay năl ntŭk ma njêng săk mhe mbra ntoh. Nhih pah kan mât uănh n'hâm suan êng bah Liên minh châu Phi aƀaơ dôl geh tĭng ƀư tay âk tơ̆ rlong n'hanh rblang năl gien gay năl ntŭk ntoh luh n'hanh njêng săk mhe i ntoh luh./.

Nuĭh rblang: Điểu Thân