TG4: VOV4.M’nông – 2 pơh bah năp Tết nguyên đán, ăp chính phủ ta châu Á lĕ n’hao ăp nău ntrŭnh njrăng n’gang chôt srê Covid-19, tâm rnôk rgâl ntil kaman Omicron dôl ƀư hao âk nuĭh ntưp. Ta Hàn Quốc, ăp dak aơ nar 14/1 mbơh mbra njong ăp nău ntrŭnh mpeh tâm ƀah kon nuĭh ntop tay 3 pơh tât nar 6/2, geh nău đă mô an jêh 21 mông đah ăp jay sông sa, quán ba. Yơn lah ăp nău njong mpeh ăp nău rgum êng dơi pơk lhoi bah 4 nuĭh kơt bah năp đaơ hao 6 nuĭh đah ăp nuĭh lĕ dơi chuh tŏng ăp. Tết nguyên đán lah du rơh rlu khlay ta Hàn Quốc n’hanh ntơm bah nar 29/1. Hôm ta Hồng Công (Trung Quốc), n’gâng kan ƀon lan njong tay ăp nău ntrŭnh njrăng n’gang Covid-19 gay nking n’gang nău ntoh ntưp rêng srê mhe yor kaman Omicron. Tĭng nĕ, ăp ntŭk rgum kon nuĭh an ntĭl mpông tâm rnôk ngêt sa ta ăp jay ngêt sa geh rhoăt đêt an tât lĕ tết Nguyên đán.

Nŭih blang: Y Sưng Phê Ja