VOV4.M'nông: Nhih pah kan mât uănh dak si bah Liên minh châu Âu (EMA) hŏ an chuh vaccine njrăng n'gang Covid-19 tâl 4 an nuĭh ntơm bah 80 năm deh let lơ. Ntŭk rgum mât kân nuh srê châu Âu an gĭt, n'glai vaccine njrăng n'gang Covid-19 tâl 4 (n'glai kơi ntop chuh tâl 2) mbra dơi chuh an nuĭh ntơm bah 80 năm deh let lơ lôch rnôk uănh năl ăp nău rgum nchih mpeh jêng geh nău ji jru lơn mpeh rmôt năm deh dja n'hanh rnoh mât njrăng dơi nơm geh chuh n'glai 4. Yơn lah, Nhih pah kan dja an lah, hôm dŭt ơm gay mĭn uănh chuh vaccine an lam ƀon lan. Tĭng lôch jêh du nău gŭ mĭn ta Israel, nău chuh vaccine tâl 4 bah hãng Pfizer kơl hŭch bah geh ma nău jêng ji jru ta nuĭh âk năm deh geh ntưp Covid-19. N'glai vaccine kơi ntop chuh tâl 2 dja rgop rdâng lơh tay geh ma nău ntưp rêng ngăch./.

Nuĭh rblang: Điểu Thân